👁️ 破解迷思：高含水量≠ 眼睛最保濕

👁️ 破解迷思：高含水量  ≠ 眼睛最保濕 💦😱

買隱形眼鏡嘅時候，唔少人第一時間揀「高含水量💧 (Water Content) 」，覺得「多水 = 一定滋潤」。但點解戴完，對眼都仲係又乾、又澀、又紅嘅⁉️🫩

如果您都係其中一個 🫵🏻 
🚆 不妨花您搭車一個站嘅時間睇下呢個Post
🪄 可能會改變您戴Con嘅體驗 💫

👩🏻⚕️ 作為視光師，小編幾乎每日都有客人問同一個問題 💬 「隱形眼鏡含水量越高，係咪就代表越保濕⁉️」

喺香港呢個都市環境入面，乾眼症真係好多人嘅日常困擾 🌆
⚠️ 成日喺冷氣房出入 🌬️
⚠️ 機不離手咁睇電話同電腦 👩🏻💻
⚠️ 再加埋路邊啲廢氣同空氣污染 🤧
⚠️ 再加上長時間配戴隱形眼鏡
🚨 以上因素加埋，對眼自然更容易乾澀
對於戴開隱形眼鏡嘅朋友仔嚟講，更加唔會陌生😮💨老是常出現啊🫠

🔍 今日就嚟幫大家釐清一下呢個迷思 ㊙️
首先！乾眼症背後複雜嘅醫學理論 🩺💊🧬 呢啲咁悶嘅嘢，一律唔講！🙅🏻♂️

🧱 今日淨係同您講Con嘅材質❕🤌🏻 

簡單分兩大類：
1️⃣ 水凝膠 (Hydrogel)
👉🏻 通常高含水量嘅鏡片就係水凝膠☝🏻而佢高含水量嘅主要原因係：
1） 保持住軟身，增加配戴嘅舒適感🥰
2） 物料本身透氧度低，比較難俾氧氣充分通過鏡片到達角膜，要依賴水份幫助氧氣通過🫧

2️⃣ 矽水凝膠 (Silicon Hydrogel)
👉🏻 含水量未必高，但勝在透氧度非常高。
不需要大量水分都可以讓角膜「呼吸」

👀 Fun Fact : 角膜其實係靠「空氣呼吸」 🫁

角膜唔係靠血管供氧，而係直接從空氣吸收氧氣㗎！您無啦啦擺嘢冚住佢，咁都要唞氣㗎🤷🏻♀️

🔍  點解戴隱形眼鏡可能會令眼乾更嚴重❓📈

⚠️ 大家成日誤會 「高含水量嘅鏡片就係保濕」多水呀嘛💦 唔係保濕啲咩❔好合理啊❕但事實係呢類鏡片反而會 「吸走」眼睛本身嘅水分‼️🙈

👁️ 角膜上其實仲有一層淚膜，裡面嘅淚水其實無時無刻都蒸發緊。而當鏡片覆蓋喺角膜上面，會影響淚水分布，導致水分更容易流失 📉

當您對眼開始乾，鏡片表面嘅水份又減少緊，鏡片為咗維持自身柔軟同透氧，反而會喺你眼睛表面度吸取水分。

📌 你可以想像一塊海綿 🧽
乾咗之後，就會開始不停吸水。
👉 結果就係：
越戴越乾 → 越乾越唔舒服 → 惡性循環

❓咁係咪即係傳統水凝膠鏡片唔好？😣

當然唔係😉 我哋日常驗配都仲係會因應唔同情況用 Hydrogel 鏡片，佢一樣有佢嘅好處🤩

✅ 重點唔係邊款最好，而係邊款適合你 👍🏻

✅ 麻煩記低 📣 揀隱形眼鏡唔好只睇含水量

❌ 含水量高 ≠ 一定滋潤

❌ 揀錯鏡片，分分鐘仲乾過唔戴🃏

✅ 每個人嘅淚水質素、眼睛狀況、生活習慣都唔同☝🏻

「仲企喺度白白被抽水⁉️」
快啲問返您嘅視光師啦👩🏻⚕️

想戴得舒服又健康，最好做法永遠都係👇🏻
✅ 由專業眼科視光師評估您眼睛嘅健康狀況
✅ 再根據您嘅生活模式同用眼習慣，揀最適合您嘅隱形眼鏡

隱形眼鏡真係比想像中多學問㗎📚小編會繼續不定時分享下，由不同客人收集返嚟嘅眼睛小迷思📰
📩 有嘢想問都歡迎Comment／ DM我哋㗎

下次分享 LENSLOGIC 再為您簡化複雜資訊，助您做出明智選擇。